O catedrático de Enxeñería Química sumou 2.442 votos, mentres que o historiador Lourenzo Fernández Prieto ten 2.339. Porén, a diferencia na porcentaxe en relación cos votos totais débese á aplicación dos coeficientes de ponderación.
O catedrático de Enxeñería Química, Juan Casares Long, gañou a segunda volta das eleccións ao Reitorado da Universidade de Santiago de Compostela (USC) co 56,91% dos votos ao seu favor, co 100% das papeletas recontadas e un total de 2.442 votos.
Pola súa parte, Lourenzo Fernández Prieto, catedrático de Historia Contemporánea, suma 2.339 votos, aínda que a porcentaxe de voto ponderado ascende só ao 43,09% ao ter un maior apoio do estudantado, dos investigadores en formación e do Persoal de Administración e Servizos (PAS), cuxo voto ten menos peso tras pasar polos coeficientes de ponderación.
O índice de participación foi moi baixo, do 15,75% xa que, das 33.565 persoas censadas, só exerceron o seu dereito a voto 5.288.
Pode consultar todos os datos do escrutinio final neste enlace
