Máis de 350 estudantes da Facultade de Farmacia interesáronse nun curso sobre tratamentos homeopáticos, organizado pola Asociación de Estudantes de Farmacia da USC. As sesións inaugurounas o decano do centro universitario, Juan José Torres, e participaron docentes do Centro de Ensino e Desenvolvemento da Homeopatía.
Trece boticas de Santiago e 176 na provincia ofrecen estes tratamentos, segundo indicouse. O consello homeopático pode darse para as afeccións máis frecuentes consultadas nas oficinas de farmacia e consideradas síntomas menores, como a gripe, os arrefriados, a tose, os trastornos dixestivos, as alerxias, os problemas cutáneos ou pequenos traumatismos, afirmou Miguel Barelli, director do centro que impartiu a docencia.
O curso constou de catro seminarios: sobre os antecedentes e a situación actual da homeopatía, a prevención e tratamento da gripe e outras patoloxías consideradas invernais, a tensión e a ansiedade, e as patoloxías estivais como queimaduras ou picaduras de insectos.
A asociación de estudantes de Farmacia valora a necesidade de formación neste ámbito, polo crecemento da demanda de homeopatía nas farmacias.
