31/V/2010. GASTOS DA CAMPAÑA Á REITORIA DE JUAN CASARES LONG

GASTOS DA CAMPAÑA DE JUAN CASARES LONG

Publicidade, programa e cartaces: 3.252,64 €

Insercións prensa: 580,00 €

Distribución programa e cartaces: 320,00 €

Cartaces 2ª volta: 229,68 €

Web e blog:  615,00 €

TOTAL: 4.997,32 €

26/V/2010. Xornal.com. Juan Casares Long: “Superamos as tensións entre universidades”

http://www.xornal.com/artigo/2010/05/26/sociedad/universidad/superamos-tensions-universidades/2010052600261402689.html

“Hai que buscar unha solución a Medicina que non pase pola figura do profesor colaborador docente”

CRIS SOUTO

O teléfono móbil de Juan Casares Long morreu ás 17.49 horas da tarde de onte, xornada post electoral, na que o futuro reitor da Universidade de Santiago (USC) foi un dos homes máis solicitados do día. “Síntome diferente, un pouquiño raro con este relativo parón en comparación coas longas semanas de campaña”, confesou unha vez retomada a conversa desde o teléfono fixo.

Recibiu moitas chamadas. Cales lle sorprenderon máis entre todas elas?

 

As máis representativas foron as dos outros candidatos, do propio profesor Senén Barro e dos reitores da Coruña e de Vigo. Despois, da xente da casa, teño agora 65 mensaxes para contestar.

Este ano tivo uns resultados opostos aos de 2006 nas eleccións. Baixou o apoio do estudantado pero gañou entre o profesorado, o que lle deu a vantaxe porcentual. Como analiza estes datos?

 

Penso que a comunidade universitaria foi quen de ver na nosa proposta un programa realista, un equipo plural, aberto, formado por xente con experiencia de xestión na universidade e mesmo tamén cun candidato a reitor que lles resultaba unha persoa de credibilidade para facer un bo traballo á fronte da universidade. Penso que eso foi o que fixo que o profesorado, de forma moi maioritaria, apoiara a nosa candidatura.

 

Seguiu as eleccións na Universidade de Vigo, coa vitoria de Salustiano Mato?

 

Claro, falei con el o día despois das eleccións [en Vigo]. Coñecémonos desde hai anos e temos unha relación moi boa.

 

Nese sentido, como levará vostede o acordo de apoio e colaboración que asinaron os tres reitores galegos?

 

É unha colaboracion que hai que potenciar. É moi bo que os tres reitores asinaran un acordo de traballo en tres ámbitos de investigación que non colisionan entre si: Santiago co Campus Vida, Vigo co do Mar e A Coruña co de Construción e Edificación Sostible. É bo ter aos tres implicados no desenvolvemento dos tres campus, que non sexa cousa dun. Un coordina, pero a participación é dos tres. Ese feito é moi notable e vai abrir portas e eleminar tensións.

 

E co Campus Vida, que fará? Había varios aspectos que non lle gustaban...

 

Lamentei moito a forma de plantexalo, pero agora temos que traballar para que a xente que ten o privilexio de traballar neses centros –que son as mellores instalacións, os mellores equipamentos da universidade–, ofreza os mellores resultados de investigación da nosa universidade para axudar a empurrar á demais xente. Hai que convertelo nun proxecto incluínte, que todos se sintan parte del, por eso o traballo deles debe repercutir na mellora de todos os demais.

Falaba de eliminar tensións. Que pasará co acordo de Medicina que rexeitou sendo candidato?

 

É parte da historia. Penso que as tensións entre as universidades están superadas precisamente polo acordo do que falabamos antes. Despois, a colaboración institucional co Sergas ten que levarnos a buscar unha solución que non pase pola figura do profesor colaborador docentes, cunha figura de traballo que non altere a normalidade académica dunha titulación da USC.

 

Onte tivo a primeira reunión co reitor saínte, Senén Barro. Como foi?

 

Foi unha reunión, sobre todo, de cortesía. Intercambiamos as nosas formas de traballar para o proceso de transición desde o equipo saínte ao equipo entrante. Eso será obxecto de traballo nos próximos días e aí verémonos todos inmersos durante estas semanas, recollendo información, traballando cos propios funcionarios, para que a transición sexa o máis sinxela posible.

Que papel terá o seu rival, Lourenzo Fernández Prieto, no seu goberno?

 

Xa o falamos e imos buscar puntos de encontro para traballar a prol da universidade o máis unidos posible.

 

Ten moitos asuntos importantes que atender, como o financiamento ou a aplicación de Boloña. Que ten anotado como inmediato na axenda de reitor?

 

Coñecer a realidade económica é moi importante para proxectar o futuro, porque marcará ata onde poden chegar as nosas capacidades. Adaptar os plans de estudos, de graos e posgraos, tamen suporá un esforzo importante. E, no Persoal de Administración e Servizos (PAS), imos tratar de consolidar as figuras de moitos anos de interinos e contratados eventuais, que non é unha carga financeira, pero si a estabilidade das persoas, algo moi importante. E despois, todo o que se presente día a día.

26/V/2010. Correo TV. O reitor electo da Universidade de Santiago, Juan Casares Long, empeza a traballar un día despois de gañar as eleccións ao reitorado.

26/V/2010. El Correo Gallego. Casares Long: “Temos que sacar adiante este país noso”

http://www.elcorreogallego.es/galicia/ecg/casares-long-temos-sacar-adiante-pais-noso/idEdicion-2010-05-26/idNoticia-551097/

“Hai que dar maior protagonismo aos centros e departamentos, que se sentan escoitados”

IOLANDA CASAL

Na voz nótaselle un chisco a falta de sono da celebración e do madrugón, pero Juan Casares Long (A Coruña, 1950) xa empezou a traballar só horas despois da vitoria nas urnas (obtivo o 57% dos votos e gañou en 20 dos 26 centros) no traspaso do poder que o converterá no quinto reitor da democracia da Universidade de Santiago de Compostela (USC). Tras despachar durante máis dunha hora co aínda reitor Senén Barro, Casares repasa algúns dos principais temas cos que lle tocará lidar mentres o seu móbil insiste coa melodía Nokia das chamadas dun montón de colegas que queren felicitalo. Un dos asuntos prioritarios será a negociación do plan de financiamento do Sistema Universitario Galego. O reitor electo ofrece rigor nas contas e asume que a USC non cumprirá todos os seus proxectos nos prazos programados por mor da crise, pero pide tamén unha maior conciencia da sociedade e da Administración de que a universidade é parte da solución.

O seu lema é a recuperación da esencia da universidade, ¿como o vai facer?, ¿que é o primeiro que quere mudar?

Queremos traballar no ámbito da corresponsabilidade, insistindo en que a cultura do esforzo individual se converta na cultura do esforxo colectivo. Temos que establecer unha relación de confianza cos centros e cos departamentos, dándolles maior protagonismo nas responsabilidades que xa teñen, para que se sintan escoitados. Iso non vai quedar nun mero eslogan de campaña.

Un dos temas clave no comezo do seu mandato será o plan de financiamento. Son tempos difíciles, ¿a que pode aspirar a USC con realismo?, ¿débese recoñecer algunha peculiaridade?

A USC ten sinais de identidade propios, é a universidade máis investigadora de Galicia. Apoiar a investigación da USC é apoiar a Galicia dun xeito rotundo, un compromiso coa sociedade.

Hai quen pensa que o seu paso por un goberno de Fraga o debilita na negociación coa Xunta, outros que pode favorecer a USC, ¿en que posición se ve vostede?

Na Xunta de Galicia aprendín moitas cousas, entre elas a xestionar os cartos públicos (...). Sería imposible pensar nun trato de favor. Cada universidade fará valer os seus valores, nós os da USC, e á Xunta lle toca a última palabra. A comunidade ten que ver en nós unha oportunidade para saír das dificultades, non un gasto. E nós temos que asumir coa Xunta o compromiso de quitar adiante este país.

¿Debe a Xunta comprometerse máis con Campus Vida? Vostede foi crítico con este proxecto...

Fun crítico coa forma de presentalo, sen contar coa comunidad universitaria. É un proxecto ambicioso e temos que rendibilizalo socialmente, producindo resultados de investigación que lle sirvan á sociedade, tanto á parte pública como á privada, e para xerar emprego.

¿Pensa que se poderán executar todas as obras de Campus Vida tal e como se concibiron?

Os números ata o de agora non permiten vislumbrar que todas as cousas se poidan facer dentro dos tempos previstos, sobre todo aquelas que non teñen os recursos acadados xa.

¿E que pasa caso concreto do novo edificio de Medicina?

É un proxecto pendente, en primeiro lugar, dun proceso de expropiación por parte do concello. E logo tamén teremos que buscar achegas económicas.

¿Confía en chegar a un acordo entre Xunta e as tres universidades sobre a docencia clínica?

Estou seguro de que si. En educación non pode haber vencedores nin vencidos, o resultado ten que ser bo para Galicia, e nada máis.

¿Terá tamén que concienciar a Xunta de que non fai falta outra facultade de Medicina?

Presupoño que aquilo da segunda facultade nunca foi máis ca un soño pouco realista dalgúns. Se estamos falando de diferenciarnos, non podemos caer outra vez nos mesmos erros do pasado.

¿Haberá boa sintonía entre os tres reitores, agora que dous serán novas caras?, ¿asume o acordo de cooperación asinado por Barro, Gago e Barja?

Claro, é o camiño. O seu éxito foi definir tres ámbitos diferenciados nos que colaborar, arredor dos Campus de Excelencia Internacional. É moi importante que tanto o Campus Vida como os proxectos que presentarán [este ano] Vigo e A Coruña impliquen as tres universidades, aínda que cada un deles sexa coordinado por unha. Espero que entre todos sexamos capaces de manter o carácter diferenciado de cada campus complementando esforzos, en lugar de diluílos.

Falamos de compromisos económicos da Xunta coa universidade, ¿pero debe a USC tamén dar exemplo de austeridade?

A USC ten que demostrarlle á sociedade que é rigorosa no control dos ingresos e dos gastos. Imos facer fincapé niso.

¿Pero pode apertar máis o cinto?

Agora descoñezo as previsións, pero insisto, hai que empezar a ver que o investimento na universidade non é un gasto, é unha aposta polo futuro.

A nivel docente, ¿cabe a posibilidade de darlle unha volta aos novos plans de estudos adaptados a Boloña?

Teremos que buscar fórmulas, porque aínda que se fixeron coas mellores intencións, as universidades españolas foron vítimas da falta de previsión e de medidas a nivel estatal moi discutibles. A adaptación é un traballo que queda por diante, que terá que ver cos primeiros anos de experiencia, as verificacións da Aneca... Fai falta ademais un esforzo moi importante por parte dos profesores. Levamos moitos anos impartindo docencia cun modelo que temos que mudar.

26/V/2010. La Voz de Galicia. Casares formará un gobierno paritario de ocho vicerrectorados

http://www.lavozdegalicia.es/santiago/2010/05/26/0003_8508083.htm

Muchas de las áreas más calientes de la USC, como Economía o Grao e posgrao, estarán dirigidas por mujeres los nuevos gestores de la Universidade

Tamara Montero.

Siete hombres y siete mujeres. Esa es la composición del equipo de gobierno del rector electo, Juan Casares Long, teniendo en cuenta un cargo, el de comisionado, creado para supervisar todo lo relacionado con el área de Ciencias da Saúde. El de Manuel Macía será un trabajo arduo, pero no lo será menos el de los encargados -sobre todo encargadas- de los vicerrectorados «calientes» de la Universidade.

Quien lo tendrá más duro será la que se postula como sustituta de Miguel Vázquez Taín al frente de Economía e Infraestruturas. Sobre los hombros de Sara Cantorna -auditora de cuentas y profesora titular del departamento de Economía Financeira- recaerá el peso de una deuda bancaria de unos 34 millones de euros, así como de unos presupuestos para este año tan austeros que prevén la posibilidad de endeudarse por otros diez millones. Tampoco lo tendrá fácil en cuanto a las infraestructuras. Casares Long lleva tiempo anunciando que habrá que priorizar las inversiones y que quizá se retrasen algunos edificios de Campus Vida.

A la encargada del vicerrectorado de Estudos de grao e posgrao, Eva Castro, también le espera mucho trabajo. Deberá lidiar con la implantación de los últimos estudios adaptados a Bolonia pero, sobre todo, tendrá que encargarse de revisar una oferta de másteres que para el rector electo está equivocada. Muchos carecen de alumnos y uno es especialmente conflictivo: el de profesorado. Contará con la colaboración de la adjunta para el campus de Lugo, María Isabel González.

También Carmen Fernández, que se hará cargo del Persoal Docente e Investigador, deberá poner toda la carne en el asador estos cuatro años. A ella le corresponderá todo lo relacionado con un cuadro de personal que espera mayor estabilidad -en el caso de los investigadores- y promoción en su carrera profesional -en el caso del ingente grupo de docentes acreditados por la Aneca para acceder a la cátedra-. Casares Long espera poder iniciar este último proceso a inicios del próximo curso.

Por su parte, Francisco González velará por el futuro de la investigación en la USC. Sustituirá a María José Alonso al frente de un vicerrectorado que últimamente ha estado en la palestra gracias a la consecución del campus de excelencia internacional con el proyecto Campus Vida. En Lugo, hará lo propio Pablo Ramil.

Precisamente, el encargado de coordinar las actuaciones en la ciudad de la muralla será Pedro García, que durante ocho años ejerció como vicedecano de Asuntos Económicos en la Facultade de Veterinaria.

Por su parte, Javier Garbayo, profesor de Música en la Facultade de Historia, abrirá la Universidade al conjunto de la sociedad y reforzará las actividades socioculturales en el seno de la institución. Francisco Durán será el que sustituya a José Manuel Mayán para velar por el bienestar del alumnado y estructurar la formación continua. Finalmente, Benita Hermo deberá recoger el testigo de Dolores Álvarez y una de sus primeras tareas será publicar la Memoria de Responsabilidade Social.

26/V/2010. La Voz de Galicia. «Agora temos que ser especialmente coidadosos cos investimentos»

http://www.lavozdegalicia.es/galicia/2010/05/26/0003_8507473.htm

Juan Casares Long, Reitor electo da USC:

«Agora temos que ser especialmente coidadosos cos investimentos»

Sabe que o contexto económico non acompaña e é por iso que a negociación do financiamento será dura, pero cre que non debe haber vencedores nin vencidos.

Tamara Montero

Unha longa lista de chamadas que aínda agardaban resposta presidía a mesa do reitor electo, Juan Casares Long, só unhas horas despois de ser declarado vencedor dos comicios máis concorridos da historia da Universidade de Santiago. O catedrático de Enxeñería Química séntese arroupado pola comunidade universitaria e onte comezou a traballar no seu goberno.

-O profesorado apoiouno masivamente. ¿As plataformas docentes PUP e Converxencia Universitaria pecharon filas?

-Digo isto con certo grao de coñecemento, porque o voto na Universidade é secreto e moi persoal, pero sinto que me apoiaron dende todas as sensibilidades, todas, non deixo ningunha fóra. ¿Que as plataformas se aliñaron? Os votos subiron, como non podía ser doutro xeito, nos dous candidatos, porque na primeira volta eramos sete e agora fomos dous. Temos que entender que ambos captamos votos de todas as plataformas.

-¿Que tal os resultados na súa facultade?

-Pois foron bos, foron moi bos. Xa non soamente de estudantes, senón que en profesorado gañei e sacamos máis votos en 20 dos 26 centros da Universidade. Penso que iso marca o que foron estas eleccións.

-¿E na do seu opoñente?

-[Ri] Xúrolle que non mirei aínda, soamente teño os datos xerais. A outra vez gañáramos e agora penso que tamén, e ademais por bastante, pero falo de memoria.

-Está preocupado pola situación económica e por Campus Vida. ¿Haberá retrasos?

-Cos prazos, hai que ter en conta que algúns dos edificios que estaban previstos non acadaron financiamento algún, como por exemplo a nova Facultade de Odontoloxía ou Enfermería. Se non hai financiamento e a data de comezo da obra é o 2010 teremos que pedir unha prórroga. A min preocúpame moito, e estes días ocupa as páxinas dos medios de comunicación, a situación económica xeral. Temos que ser especialmente coidadosos cos investimentos neste momento.

-E todo depende do plan de financiamento. ¿Ten estratexia de negociación?

-[Ri] Algunha teño, pero non lla vou dicir porque non podo contar as claves, e dou vantaxes, porque os cartos serán limitados e escasos. Será froito dunha negociación onde non poderá haber nin vencedores nin vencidos, pero cada un temos que defender o noso.

-Tamén quere dar a coñecer as contas da Universidade.

-Iso ten unha marcada incidencia sobre o plan de financiamento

26/V/2010. La Voz de Galicia. «Falo de contar con todos, e o primeiro é o meu opoñente»

http://www.lavozdegalicia.es/galicia/2010/05/26/0003_8507475.htm

Xa o chamou o luns para darlle os parabéns pola vitoria e onte o aínda reitor, Senén Barro, recibiu a Casares Long na que será a súa casa durante os próximos catro anos para preparar un traspaso de poderes que se retrasará, polo menos, un mes, ata que a Xunta dea o visto e prace á proclamación do novo reitor.

-Foi un encontro de cortesía pero tamén marcamos un pouco a axenda de traballo para os próximos días.

-E xa comezarán as reunións entre equipos.

-Iso é o que vai ocorrer nas próximas semanas. Non temos marcada data. Hoxe pola tarde [por onte] vou reunirme co meu equipo e alí falaremos destes temas. A partir dese momento será cando acordemos as datas. Eu quedei de transmitirlle esas datas a Senén Barro nun ámbito de compañeirismo.

-¿Cal é a orde do día?

-Pois mire. Faremos o repaso das eleccións, unha análise individualizada dos resultados por centros, pero sobre todo a organización do traballo de cada unha das persoas e o establecemento das liñas de traballo.

-Xa anunciou que recollerá toda a información posible dos aínda vicerreitores sobre temas específicos. ¿Cales serían?

-Agora mesmo non podo adiantar nada, porque quero falar co equipo e que o decidamos entre todos. De todos os xeitos, hai algúns temas que son obvios, como o financiamento, de persoal, que son asuntos que sempre afectan a moita xente, están mesmo os temas da organización académica ou a xerencia. Cousas que teremos que resolver estes días.

-Tras coñecerse os resultados, pediu a colaboración do seu opoñente, Lourenzo Fernández Prieto. ¿Hai xa fixada unha reunión?

-Falamos onte e tivemos unha conversa moi agradable á noite, como non podería ser doutro xeito. No seu equipo vai unha persoa que colaborou comigo na Xunta, coa que teño unha especial relación de amizade, e el tamén ten amizade con algunha xente nosa. A Universidade non é como o mundo da política, onde as posicións se polarizan, mantéñense no tempo e incluso as fracturas se fan moito máis profundas. Claro que falaremos, agora mesmo non lle podo dicir cando, pero temos que ter moito respecto por el, porque fixo un esforzo moi importante. Cando falo de contar con todos, primeiro é con quen foi o principal opoñente, se non parece que soa a oco.

-De feito, apostou por integrar as ideas dos outros candidatos na segunda volta...

-[Interrompe] É integralo no exercicio, non no programa, porque non o tocamos. A cuestión é que precisamente nos próximos días, cando marcaremos as prioridades, aí é onde os incorporaremos e despois non terei inconveniente en dicir que algo é resultado non só de nós, senón tamén do que fixeron outros. Así o faremos.